Friday, 22 June 2012

రాణా ప్రతాప్


 

సీ.
రాణాప్రతాపుండు రణరంగ ధీరుండు
          విశ్వవిఖ్యాతుడౌ వీరవరుడు,
మాతృదేశావన మహితయజ్ఞమునందు
          బద్ధకంకణుడైన భాగ్యశాలి
మొగలాయిలను గూల్చ మూర్తీభవించిన
          క్షాత్రతేజమువోలె ఘనత గాంచె
చిత్తోడు కోసమై సిరులు, ప్రాణంబులన్
          ధార పోసినయట్టి ధన్యుడతడు
తే.గీ.
సర్వసుఖములు త్యజియించి శక్తులన్ని
దేశమునుఁ గావ వెచ్చించి లేశమైన
స్వార్థమూనక స్వారాజ్యసవనమందు
సమిధయైనట్టి ఘనుడీత డమలగుణుడు.

No comments:

Post a Comment

Post a Comment