అందరికీ
నూతనాంగ్లవత్సరాది సందర్భమున
హృదయపూర్వక
శుభాకాంక్షలు.
శా.
శ్రీమంతంబయి జీవనంబు
నిరతశ్రేయంబులన్ గాంచుచున్
క్షేమం బందుచునుండ సాగవలె రాశీభూత మోదంబు లీ
భూమిం బర్వగ
నూత్నవత్సరమునన్ బూర్వంబునుం బోలె నా
నా మాన్యత్వము జాతికంద
వలయున్ నవ్యప్రయత్నంబునన్. 1.
శా.
ఈయాంగ్లాబ్దము
సౌఖ్యదాయకముగా నెన్నేని హర్షంబులన్
స్వాయత్తం బొనరించి
పౌరజనులన్ సర్వార్థముల్ గూర్చుచున్
స్వీయాకాంక్షిత
లక్ష్యసాధనకునై చేవల్ మదిన్ నింపుచున్
న్యాయం బీయెడ నిల్పి
కావవలె సన్మానప్రదంబై యిటన్. 2.
మ.
తనకాలంబున భారతావనికి
సద్భాగ్యప్రపూర్ణత్వమున్
ఘనదీప్తిన్ గలుగంగ జూడగల దక్షత్వంబు చూపించి పా
వనచారిత్రము
గల్గువారలిచటన్ బాలించు సౌభాగ్యముల్
పొనరన్ జేయగ
స్వాగతింతు స్పృహలన్ బూరించ నీయబ్దమున్. 3.
చ.
తమకగు ధర్మమందు బ్రజ ధైర్యముతో జరియించుచుండి క్షే
మముగను భాగ్యమీ భువిని
మన్నన జేయుచు గూర్చుచుండి వి
శ్వమున యశంబు నందగల
వైనము నేర్పగ నూత్న వర్షమా!
క్షమతను జూపుమా యనుచు
స్వాగత మీయెడ బల్కబూనెదన్. 4.
ఉ.
స్వాగత మందుమోయి
నవవత్సరమా! జగమందు నీవికన్
రాగమయాత్మవై హృదుల
రమ్యత నిండిన సోదరత్వముల్
సాగగ జూడుమా క్షితిని
సర్వవిధంబుల సాధు భావముల్
త్యాగగుణంబు నింపుచును
ధర్మము నిల్పిముదంబు గూర్చుమా. 5.
హ.వేం.స.నా.మూర్తి.
01.01.౨౦౧౯
