లున్నావు? క్షేమమా యువిద నీకు?
నిన్నె తలచుచునుండి నిరతంబు నేనిందు
నీరూపు మదిలోన నింపుకొంటి
నిద్రలో మెలకువ న్నీసుందరాకార
మగుపించు చున్నదో యతివ నిజము,
స్వామికార్యంబూని నీమంబుతో నింత
దూర మేతెంచితి చారుశీల!
కార్యనిర్వహణాన కాంత! యొక్కింతైన
ఉత్సాహ మెదలోన నూనదాయె
నీసాహచర్యంబు, నీచిద్విలాసంబు
ప్రేమపూర్ణంబైన పిలుపునకును
దూరమై యున్నట్టి కారణంబున నాకు
క్షణ మొక్కయుగముగా గడచుచుండె
కొద్దిరోజులలోనె కోరినట్టుల నేను
నీచెంత కేతెంతు నిర్మలాంగి!
సుదతి! నారాక కోసమై చూచుచుండి
ధైర్యమును వీడవలదంచు తనమగండు
వ్రాసి పంపిన లేఖ నాపడతి చూచి
యతుల మైనట్టి సంతస మందె నపుడు.
No comments:
Post a Comment