నణిమాదుల నొసగదగిన యహిసత్తముడై
గణపతి కాత్మీయుండౌ
ఫణిరాజున కందజేతు ప్రణతుల నిపుడున్. 1.
మము మన్నించుము ఫణిపతి!
క్షమతోడను కాచుచుండి కరుణావార్ధీ!
విమలాంతరంగ! దయతో
మమతను గురిపించవయ్య మహిలో నెపుడున్. 2.
క్షీరంబు భక్తితోడను
చేరుచు నీచెంత కెపుడు స్థిరచిత్తముతో
తోరముగ నొసగుచుండెడు
వారిన్ కరుణించ వలయు పరమప్రీతిన్. 3.
క్రోధంబు చూపవల దిక
బాధించగ బూనవలదు పలురకములుగా
సాధించ వలదు మమ్మెపు
డాధికి గురిచేయవలవదహిపతి నీవున్. 4.
లోకములగాచుచుండెడి
శ్రీకంఠుని హారమౌచు స్థిరయశములతో
లోకంబుల విహరించెడి
నీకొసగెద ప్రణతిశతము నిష్ఠాత్ముడనై 5.
No comments:
Post a Comment