శుక్రవారం 26 ఎప్రిల్ 2013
పద్య రచన
రామప్ప దేవాలయము
కళలకు కాణాచి కాకతీయులభూమి
యోరుగల్పురసీమ యున్నతంబు,
తత్సమీపస్థమై దర్శనార్థులకెప్పు
డానందమును బంచి యఘము ద్రుంచు
రామప్ప దేవళం బేమని వర్ణింతు
సౌందర్యరాశి యామందిరంబు
పాలంపుపేటలో భవ్యశిల్పాలతో
వెలుగొందు హరిహర నిలయమందు
రామలింగేశ్వరుండందు రమ్యముగను
భక్తజనముల కెల్లెడ భాగ్య మొసగి
సంతతానందమును గూర్చి యంతులేని
సౌఖ్య మొసగంగ వసియించు సంతసాన.
శిల్పి రామప్ప యచ్చట చెక్కియుండె
కనులపండుగ యొనరించి మనము దోచు
శిల్పరాజంబు లెన్నియో చిత్రగతుల
నతని ననవచ్చు నిజముగా నమరశిల్పి.
అచ్చటి నిర్మాణంబున
కెచ్చటివోగాని మంచి యిటుకలు నాడున్
తెచ్చిరట, నీటిలోనవి
అచ్చెరువుగ తేలుచుండు నద్భుతరీతిన్.
దేవళంబు బయట జీవ మున్నట్లుగా
శివుని యాజ్ఞ కొరకు చెవులు నిలిపి
చూచు దాని వోలె గోచరమగుచుండు
నంది యెంతయేని సుందరంబు.
ఆసమీపమందు నతివిస్తృతంబైన
సరము నొక్కదాని నరయవచ్చు
ఔర! యా తటాక మచ్ఛోద యుతమౌచు
హర్షదాయి సతము కర్షకులకు.
ఓరుగల్లులోన చేరి శిక్షణ నందు
నాడు దీని జూచినాడ, నేడు
శంకరార్య! మీరు స్మరియించు భాగ్యంబు
నందజేసినారు వందనంబు.
యోరుగల్పురసీమ యున్నతంబు,
తత్సమీపస్థమై దర్శనార్థులకెప్పు
డానందమును బంచి యఘము ద్రుంచు
రామప్ప దేవళం బేమని వర్ణింతు
సౌందర్యరాశి యామందిరంబు
పాలంపుపేటలో భవ్యశిల్పాలతో
వెలుగొందు హరిహర నిలయమందు
రామలింగేశ్వరుండందు రమ్యముగను
భక్తజనముల కెల్లెడ భాగ్య మొసగి
సంతతానందమును గూర్చి యంతులేని
సౌఖ్య మొసగంగ వసియించు సంతసాన.
శిల్పి రామప్ప యచ్చట చెక్కియుండె
కనులపండుగ యొనరించి మనము దోచు
శిల్పరాజంబు లెన్నియో చిత్రగతుల
నతని ననవచ్చు నిజముగా నమరశిల్పి.
అచ్చటి నిర్మాణంబున
కెచ్చటివోగాని మంచి యిటుకలు నాడున్
తెచ్చిరట, నీటిలోనవి
అచ్చెరువుగ తేలుచుండు నద్భుతరీతిన్.
దేవళంబు బయట జీవ మున్నట్లుగా
శివుని యాజ్ఞ కొరకు చెవులు నిలిపి
చూచు దాని వోలె గోచరమగుచుండు
నంది యెంతయేని సుందరంబు.
ఆసమీపమందు నతివిస్తృతంబైన
సరము నొక్కదాని నరయవచ్చు
ఔర! యా తటాక మచ్ఛోద యుతమౌచు
హర్షదాయి సతము కర్షకులకు.
ఓరుగల్లులోన చేరి శిక్షణ నందు
నాడు దీని జూచినాడ, నేడు
శంకరార్య! మీరు స్మరియించు భాగ్యంబు
నందజేసినారు వందనంబు.
No comments:
Post a Comment