చెక్క భజన
పద్య రచన - 209
చెక్క భజన
పలువురు యువకులు చూడగ
నిలువెల్లను భక్తిరసము నిండిన వారల్
నిలబడి భగవన్నామము
పలుకంగా చేరినారు భాగ్యంబనుచున్.
తలపట్టీలను గట్టిరి
విలసిల్లెడు నడుముగుడ్డ, విస్పష్టముగా
గలగలమ్రోగెడు గజ్జెలు
నలవోకగ చెక్కలంది రద్భుతరీతిన్.
హరినిం దలచెదరో మరి
హరునామము పలుకుచుండి యాడెదరో వా
రరుసము హృదయం బందున
విరివిగ పూరించినారు విజ్ఞులనంగా.
చెక్కలతో కదలాడుచు
చక్కంగా నామజపము సద్భక్తులనన్
మిక్కిలి యుత్సాహంబున
నిక్కుంభిని జేయ గలుగు నిహపరసుఖముల్.
అచ్చట జేరిన వారికి
సచ్చరితయు, ధనము, యశము, సౌఖ్యాదికముల్
నిచ్చలు హరిహరనాథుం
డిచ్చుచు గాపాడుగాత! యీప్సిత(సిద్ధుల్) వరముల్.
No comments:
Post a Comment