Sunday, 6 May 2012

సతీ సావిత్రి

ది. 07.05.2012 వ తేదీ "శంకరాభరణం" బ్లాగులో 
పద్యరచన శీర్షికన ఇవ్వబడిన చిత్రానికి 
వ్రాసిన పద్యవ్యాఖ్య.
సతీసావిత్రి
సీ.
జనకున కలనాడు జగదంబ గూర్చిన
          వరదాన మహిమచే భవమునొంది,
ఆటపాటలతోడ అలరించి మురిపించి
          అన్నింట సంతసం బందజేసి
భర్తగా దలచిన వాని కాయువు జూడ
          చిరము గాదనుపల్కు లెరిగి యుండి
పరిణయం బాడి యా పతిసేవ జేయుటే
          వ్రతముగా బూనిన పరమ సాధ్వి
తే.గీ.
అపుడు సద్భక్తి జూపించి యముని నుండి
పతికి పూర్ణాయువును బొంది సుతుల గాంచి
మహి నతివలకు మేటియై బహుళయశము
బడయు సావిత్రి నీకివె ప్రణతులమ్మ!
చం.
వరమహిళాశిరోమణికి, భర్తకు నెల్లెడ తోడునీడయై
ధరపయి మృత్యుదేవతకు తన్మయతన్ గలిగించి, స్వామికిన్
సురుచిరమైన జీవనము చూపిన సాధ్వికి, దివ్యశక్తికిన్
పరమపతివ్రతాసతికి(మణికి) భక్తినొనర్తు ప్రణామముల్ మదిన్

No comments:

Post a Comment