అంబేడ్కర్
సీ.
ఎవ్వాడు గ్రంథంబు లెన్నియో పఠియించి
యలఘువిజ్ఞానియై నిలిచినాడు
ఎవ్వాడు నిమ్నులై యిట నిందలం గాంచు
వారి యుద్ధర్తయై వరలినాడు
ఎవ్వాడు దక్షుడై యీ పుణ్యభూమికి
నున్నత రాజ్యాంగ మొసగినాడు
ఎవ్వాడు మదిలోన నీజన్మభూమికై కమనీయస్వప్నముల్ గాంచినాడు
తే.గీ.
ఆత డంబేడ్కరాఖ్యతో నఖిలజగతి
ఖ్యాతి నార్జించి యున్నట్టి జాతిరత్న
మతడు సంస్కారకాంక్షులం దగ్రగుండు
నతని కనుపమచరితున కంజలింతు.
No comments:
Post a Comment