మత్తేభమాలిక
ప్లవనామాబ్దము
భారతావని పయిన్ భాగ్యాను సంధాయియై
స్తవనీయామితసచ్ఛుభాస్పదలసత్సత్కార్యదక్షత్వమీ
యవనీసంస్థితమానవప్రకరభవ్యస్వాంతపీఠమ్మునన్
జవసత్వాదిసమస్తయోగ్యమహదైశ్వర్యప్రభావమ్ముతో
ధవళానంతవినిర్మలోత్తమయశోదార్ఢ్యత్వముం జూపి స
త్కవితాజన్యవిభూతినిర్మితబృహత్కల్యాణ భాగ్యమ్ములన్
నవసంతోషసుఖానుభూతిసహితౌన్నత్యంబు చేకూర్చగన్
శ్రవణానందకరామృతోపమవిశిష్టధ్వానయుక్తంబులై
వివిధాహ్లాదనిరంతరోత్సవశివావిష్కారముల్ సేయుచున్
జవులూరించెడి
శబ్ద సంపదలతో సన్మానముల్ గూర్చుచున్
గవివిద్వజ్జనవృద్ధకోటుల
కెడన్ గల్యాణముల్ గాంచుచున్
భవసార్ధక్యత
నందు పద్ధతులలో ప్రావీణ్యతన్ నిత్య మీ
భువిపై
నుండెడి వారు శుద్ధమతులై పొందంగ యోగ్యంబులౌ
అవినాశామితసత్వదీప్తులను సర్వానందముల్ గాంచ వా
స్తవ
రూపంబున నందజేసి మదులన్ దైన్యత్వముం గూల్చి యీ
భవనిర్మగ్నులపాలి
ధైర్యదయునై వర్తిల్ల గాంక్షించెదన్.
No comments:
Post a Comment