సరిహద్దుల్లో విధులు నిర్వహిస్తున్న భారతీయ సైనికుడి
మనోగతం.
శా.
శ్రీమంతం బిది సర్వమానవుల
సచ్ఛ్రేయంబులన్ గోరుచున్
ప్రేమం బన్నివిధాల
బంచుచు మహద్విజ్ఞానసంపత్తికిన్
ధామంబై వెలుగొందు
భూమి యిది వేదస్థాన మిద్దానికిన్
నీమం బొప్పగ రక్షగూర్చుట
గనన్ నిక్కంపు సన్మానమౌ. 1.
శా.
నాదేశం బిది నాకుజన్మ
మిచటన్ నాపూర్వకర్మంబునం
దేదో పుణ్యఫలప్రభావవిభవం
బిందుండి సిద్ధించె స
మ్మోదానంతద దీని
రక్షణ యగున్ ముఖ్యంబు సత్యంబుగా
నాదేహంబును బ్రాణ
మిందుకొరకే నాకిందు హర్షం బగున్. 2.
శా.
ముల్లోకంబులు గెల్వగల్గు
బలిమిన్ మున్నున్న నావారు నా
డుల్లాసంబును జూపి
దేవగణమం దుత్సాహమున్ నింపి సం
ధిల్లం జేసిరి వారికిన్
విజయముల్ తేజంబునన్ నేను వా
రెల్లన్ నిల్పిన
వారసుండనయి నే డిందుంటి రక్షార్థమై. 3.
శా.
సీమల్ దాటి మదీయదేశమునకున్
జేరన్ బ్రయత్నించి యీ
భూమిన్ నిచ్చలు
ఘోరకష్టపటలుల్ పోటెత్తగా జేయుటం
దేమాత్రంబును గొంకనట్టి
ఖలులన్ హీనాత్ములం ద్రుంచున
ప్డేమైనన్ వెనుకాడబోవనిది
నాకెంతేని మోదం బిడున్. 4.
శా.
చెండాడంగను జంకబోవ
నరులన్ జేకొట్టి నాభూమికిన్
ఖండింతున్ ఖలకోటిశీర్షము
లిటన్ గావింతు నీనేలకున్
దండంబుల్ శతకోటి
దీక్షితుడనై ధైర్యంబునుం బూని నే
నుండన్ దుష్టులు
చేరగల్గుదురె నాయుర్విన్ బ్రయత్నించినన్. 5.
శా.
నాకాయంబున బ్రాణముండ
నెవడున్ నానేలనుం ద్రుంచువా
డేకాలంబున బుట్టబో
డవనిపై యెందేని జన్మించి, నే
గాకల్దీరినవాడనం
చిచటకున్ గాంక్షించి యేతెంచెనే
నాకాలంబున నేగు
నిక్కువముగా నా కాలునిన్ జూడగన్. 6.
శా.
నాభాగ్యంబున నాకు
నబ్బెనుగదా నాదేశరక్షావిధుల్
శోభల్ గూర్చెడి
వౌట యిందులకునై శుద్ధాంతరంగంబుతో
నీ భూమిన్ చరియించుచున్
సతతమే నెంతేని నిష్ఠాయుతిన్
భీభత్సంబు సృజించువారి
నణతున్ వీరత్వముం జాటుచున్. 7.
శా.
దారాపుత్రులు బంధువర్గము
లికన్ ధాన్యాది సంపత్తులన్
జేరం జూచుట కాదు
జన్మభువిపై చింతల్ ప్రతిష్ఠించు న
వ్వారిన్ శాత్రవవర్గమున్
దునుము సద్భావంబునం దేలుచున్
పోరున్ సల్పుచు
బ్రాణమైన విడుతున్ బూర్ణానురాగంబునన్. 8.
హ.వేం.స.నా.మూర్తి.
11.08.2019.
No comments:
Post a Comment