ఎస్.వి.రంగారావు

ఎస్.వి.రంగారావు

కం.

శ్రీమంతమైన జీవన

మీమహనీయునకు గల్గె నిమ్మహిలోనన్

కామితవరదుం డీతని

నామం బిట వెలగ జేసె నైష్ఠికు డగుటన్.         1.

శా.

రంగారాయుని వైభవంబు దలపన్ రమ్యాతిరమ్యంబు స్వ

ర్గంగాసన్నిభమైన పావనతకున్ సాక్ష్యంబు తానౌచు నా

డంగీకారము తెల్పె చిత్రములలో హావంబు భావంబులన్

రంగారన్ ప్రకటింపజేయుపనిలో ప్రావీణ్యతన్ జాటుచున్.         2.

ఉ.

పాత్రలలోన లీనుడయి భవ్యముగా నటియించియున్న స

ద్గాత్రుని రంగరాయఘను కారణజన్ముని స్వీయదీప్తిచే

గోత్రము నందు సద్యశము గూడగ జేసినవాని ఖ్యాతికిన్

పాత్రుని చిత్రసీమ కురుభాగ్యము గూర్చిన వానినెన్నుదున్.        3.

శా.

ఎస్వీయారను పేర నాంధ్ర భువిపై నెంతేనియున్ స్తుత్యమై

భాస్వంతంబగు జీవనంబు గనునా ప్రజ్ఞాప్రభావాఢ్యు తే

జస్విన్ ధీరు నటాగ్రగణ్యు ఘనునిన్ సర్వత్ర నాంధ్రామృతం

బాస్వాదింపగ జేయువాని నిట నిత్యంబున్ స్మరించం దగున్.      4.

ఆ.వె.

తెలుగు చిత్రసీమ యిలలోన వెలుగులన్

జిమ్ముచుండుదాక చేరి దివిని

దారకలును చంద్రు డారవి యున్నంత

కాల మీ తపస్వి ఘనత నిలుచు.              5.

హ.వేం.స.నా.మూర్తి.