మాతృభాష
శ్రీలను గురిపించి మేలుగల్గెడి రీతి
శ్రీలను గురిపించి మేలుగల్గెడి రీతి
మంచి నేర్పెడి భాష
మాతృభాష
సాటివారలపట్ల సద్భావ దీప్తమౌ
మమత జూపెడి భాష మాతృభాష
మర్యాదతోనుండు మాటలు బలికించి
మనసు దోచెడి భాష
మాతృభాష
హృద్యమై వెలుగొందు సద్యశోవిభవంబు
మహిని గూర్చెడి భాష
మాతృభాష
సరళమై సుఖదమై సురుచిరంబైనట్టి
మధువు లొల్కెడి భాష
మాతృభాష
మమతానురాగాలు, సమత, సద్భావాలు
మనకు దెల్పెడి భాష
మాతృభాష
పుట్టినదాదిగా పూర్ణజీవనమందు
మరువ గూడని భాష మాతృభాష
సదమలమై యొప్పి సాధుత్వ భరితమై
మదుల వెల్గెడి భాష మాతృభాష
సర్వభూతములందు సమతానుభావంబు
అన్యభాషాజ్ఞాన మందగోరెడివారి
కూతంబు భువిలోన మాతృభాష
విస్తృతం బైనట్టి విజ్ఞాన దీప్తికై
మహదుపకరణంబు మాతృభాష
అంతరంగములోని ఆంతర్యమును దెల్ప
మనిషి కాధారంబు మాతృభాష
సుందరంబైనట్టి సూక్తులు బలికించి
మహిత తేజము గూర్చు
మాతృభాష
సంఘసేవను భువిన్ సర్వకాలములందు
మరువనీయని భాష మాతృభాష
మనిషికి మనిషిగా మానవత్వంబున
మనుట నేర్పెడి భాష
మాతృభాష
కష్టసుఖములందు కడుప్రేమ జూపించి
మనను వీడని భాష మాతృభాష
తల్లి గర్భమందె యెల్ల కాయంబున
నిండి జననమంద నిష్ఠబూని
రక్షణంబు చేయు రమ్యాతి రమ్యమౌ
భాష మాతృభాష వసుధపైన.
No comments:
Post a Comment