స్వామీ! నరసింహా! విను
నీమంబున పానకంబు నీకర్పించన్
క్షేమంబు కలుగజేయుచు
నీమానవకోటి గాతు వెప్పుడు కరుణన్.
బిందెల కొలదిగ పానక
మందించెడి భక్తగణపుటఘములబాపన్
సుందరరూపం బందితి
వందును మము గావుమయ్య! యతివత్సలతన్.
మంగళగిరిపై చిత్రపు
భంగిమతో వెలసినావు పానకములు గొనన్
మంగళము లొసగు మింపల
రంగ న్నరసింహరూప! రయమున మాకున్.
పానకమెంత యొసంగిన
దానన్ సగభాగమీవు తాదాత్మ్యతతో
పానము చేయుచునుండెద
వానందము జగతివారి కందించుటకై.
నీవుండగ మాకండగ
భావనలోనైన రాదు భయమించుకయున్
దేవా! శ్రీనరసింహా!
మావందన మందుకొనుచు మము గావదగున్.
No comments:
Post a Comment