హితమితోక్తులు
హితకారక వాక్యంబులు
మితముగ బోధించనగును మేలుభయులకున్
మితిమీరిన నిట్టులయని
స్తుతమతులకు చెప్పవలెనె సుజనాళికిలన్.
హితమును గోరుచు బలికెడు
చతురోక్తుల నెల్లవారు సన్మతులగుచున్
క్షితిలో నందగవలయును
వెతలన్నియు తీరు దాన వినుడందరికన్.
హితుడై క్షేమము గోరుచు
మితముగ సూక్తులను బలుకు మిత్రుని వాక్యా
లతులిత సౌఖ్యప్రదములు
శతశాతము ముదము గూర్చు సత్పథమొసగున్.
మితముగ హితమును బలికెడి
జతకాడే పృథ్విలోన సన్మిత్రుండౌ
అతడే సాక్షాద్దైవం
బతనిని నమ్మంగ వలయు ననవరతంబున్.
హితవాక్యము వినరేనియు
వెతలెన్నియొ కలుగుచుండు విస్తృతరీతిన్
మతిచెడు, క్రుంగును గౌరవ
మతిదుర్భరమౌను బ్రతుకు హర్షమణంగున్.
No comments:
Post a Comment