నమో వేంకటేశ
కలియుగంబునందు కలుషంబులను బాపి
భక్తకోటి గాచి వరములొసగ
తిరుమలేశుడౌచు దివ్యతేజంబుతో
వేంకటేశ్వరుండు వెలసె ధరను.
పాంచజన్యమైన భవ్యశంఖము బూని
ధర్మరక్షయౌ సుదర్శనంబు,
నిరుపమంబులైన తిరునామములతోడ
వేంకటేశ్వరుండు వెలసె ధరను.
భక్తితోడ నేడు ప్రణతులర్పింతును
కలియుగాధినాథు గొలుతు నెపుడు
వేడు కొందు నెందు నేడుకొండలవాని
ధర్మమూర్తి నెపుడు దలచుచుందు.
No comments:
Post a Comment