అక్కినేని

ఎవ్వాని సౌందర్య మీయాంధ్రదేశంబు
..........తిలకించి పులకించె నలఘుకాల
మెవ్వాని నటనలో, నింపైన పలుకులో
..........నవరసంబులు చిందు నవ్యగతుల
నెవ్వాని కృషిచేత నీచిత్రసీమకు
..........భాగ్యనగరమిందు యోగ్యమయ్యె
ఎవ్వాని నడతలో నేకోణమున జూడ
..........వినయదీప్తులజ్యోతి వెలుగుచుండు
అతడు నాగేశ్వరుండు మహానటుండు
ఘనుడు సమ్రాట్టుగా కీర్తి గాంచి నటన
నాంధ్రదేశాని కనుపమయశము గూర్చె
నక్కినేనికి శ్రద్ధతో నంజలింతు.

శంకరాభరణ ప్రశంస

శంకరాభరణ ప్రశంస

ఏరోజునంగాని యిసుమంత యలసత్వ
..........మందక యిద్దియే విందటంచు,
ఆరోగ్యసహకార మందకున్ననుగాని
..........కవుల కానందంబు కల్గజేయు
బహుసమస్యలనిచ్చి ప్రతిదినంబును కావ్య
..........రచనంబు చేయించి రమ్యముగను
శంకరాభరణాఖ్య సత్కళావేదికన్
..........నిర్వహించుచునుండి నేర్పుమీర
అస్మదాదులైన యల్పజ్ఞజనులకు
జ్ఞానభిక్ష పెట్టి మాన మొసగు
కందిశంకరార్య! కవివర్య!గుణధుర్య!
వందనంబు లిప్పు డందుకొనుడు.

వివిధమార్గాలలో విస్తృతంబగురీతి
..........పద్యాలు రచియించు పద్ధతులను
ఛందస్స్వరూపంబు నందమొప్పగ నేర్పి
..........దొసగులు సవరించి యసదృశమగు
మార్గదర్శన చేసి మామానసంబుల
..........నుత్సాహమును నింపుచుండి సతము
శంకరాభరణాన సత్కావ్యరచనంబు
..........చేయించుచుండెడి ధీయుతుండు
కవివరేణ్యు డౌచు ఘనయశంబులనంది
క్రమత నెన్నియేని గ్రంథములను
వెలువరించినట్టి విద్వజ్జనాగ్రణిన్
పండితార్యఘనుని ప్రస్తుతింతు.

ఏసమస్యకునైన నింపారు కవితలన్
..........దారి చూపుచునుండు వారలకును,
వర్ణనాంశములంది బహుసమర్ధతతోడ
..........పద్యాలు రచియించు వారలకును,
శంకరాభరణాన సర్వకాలములందు
..........వ్యాఖ్యానములు చేయు వారలకును,
మేటివాక్యాలతో మిత్రులకుత్సాహ
..........వర్ధనం బొనరించు వారలకును,
సాధుహృదయు లౌచు సద్భావపూర్ణులౌ
బంధుతుల్యులైన పాఠకులకు,
అస్మదీయులైన ఆత్మీయజనులకు
వందనంబు లార్యు లందరకును.

శంకరాభరణాన సత్కావ్యరచనంబు
..........సాగుచుండెడుగాత! సంతతంబు,
ఈకళాస్థలియందు నింపుగా నెప్పుడు
..........వేవేల పూరణల్ వెలయుగాత,
సాహిత్యనిలయమై సన్మానములనందు
..........నీదివ్య ధామంబు నెల్లగతుల
విద్వద్వరేణ్యులౌ విజ్ఞుల యాశీస్సు
..........లందుచుండెడుగాత యనవరతము
సంతసంబు గూర్చి సాహితీప్రియులకు
మిత్రతుల్యమౌచు మేదినిపయి
సద్యశంబుగూడి శంకరాభరణంబు
చిరము వెలుగుగాత స్థిరతనంది.

నూతన సంవత్సర (2014) శుభాకాంక్షలు

నూతన సంవత్సర శుభాకాంక్షలు(2014)

కం.    శ్రీకరమై యీ వర్షం
       బాకరమై సచ్ఛుభాల కతిసుఖదంబై
       లోకంబుల కానందము
       చేకూర్చునుగాత యొసగి స్థిరమగు యశముల్.

కం.    శ్రీలక్ష్మీ వాసంబై
       మేలౌ సద్విభవ మొదవి మీదట నిలలో
       కాలోచిత సద్భావము
       పాలకులకు గలుగవలయు బంధురఫణితిన్.

కం.    గతకల్మష నాశంబయి
       వెతలన్నియు దీరిపోయి విస్తృత హర్షం
       బతులిత శాంతి సమీరము
       క్షితినంతట వీచవలయు సిరులంద వలెన్.

కం.    సోదరభావపు గంధము
       మేదిని నీవర్షమంత మించుగ నలమన్
       మోదము చేకూరగవలె
       నాదేవుని కృపను భారతావని కెందున్.

కం.    నిరతం బీవత్సరమున
       సురుచిరమై యొప్పుచుండి సుందర మగుచున్
       వరలు నవోదయమున నెపు
       డరయగ సద్విజయవార్త లందగ వలయున్.

నూతన సంవత్సర (2014) శుభాకాంక్షలు

నూతన సంవత్సర (2014) శుభాకాంక్షలు

 ¾ª.    sû¹±µh¸¶¢nvѶm sû¹Sµï±ÉPvÀ ¶pAfº

¶pñYvÇvô ¶ªÀP¶¢ÀÀv´m sfµ±ÀµÀ¶¢v±ÀµÀÀ,

     «Òlµ±µhµö¶pÁSµAlûµ ¤À l¼¶¢ïsûµÀ£vѶm

¢¸ï¶påËÈ¢À ¶¬±µøAsÀ vAlµ¶¢v±ÀµÀÀ,

     lûµ±µî¶¢Ã±µØ¶¢ÀÀ¶mAlµÀ lûµ±µ¢¸±µvÇvô±µÀ

Vµ±¼±ÀÀAW ¶ªÀP¶¢ÀÀv ¶m±µ±ÀµÀ¶¢v±ÀµÀÀ,

     ¶ªAOµv궥Àl¼èhÐ Y¶m¶ª¶¢Àö¬¶¢ÀÀvné

¶ªh¸Ö±µï¶¢ÀSµÀéËvÇ «¸Sµ¶¢v±ÀµÀÀ

D.È¢.        E¶mÀ¶¢ÀfºAVµÀ ±ÀµÀ¶¥¶¢ÀÀ x¶¢hµù±µAsAhµ

¶pñYvOµAlµ¶¢v±ÀµÀÀ s¶¬ÀyµSµhµÀv

¶mQvsû¹±µh¸¶m m¸±ÐSµïsû¹SµïAsÀ

vAlµÀVµÀAfµ¶¢v±ÀµÀÀ ¶m¶m¶¢±µhµ¶¢ÀÀ.

¾ª.     £l¸ï±¼ævÑO¸¶m £¶m±ÀµÀl¿¶pÁýåvÀ OµwØ

£Y¹ß¶m¶p¶¢m¸vÀ ¤Vµ¶¢v±ÀµÀÀ,

     Vû¸hµÀñxlûµ±µvѶm ¶¥ñlµè¶pÁ¹¶mÀVµÀ¶mÀAfº

¶m¶¢ï¶¢Ã±µØAsÃn ¶mfµÀ¶¢¶¢v±ÀµÀÀ,

     nhµïAsÀ ËvǶmdºà nOµ¶¨vnéAdºvÑ

¶T¶mËÈ¢À¶m £Y±ÀµÃvÀ OµvÀSµ¶¢v±ÀµÀÀ

     £l¸ï±µÝ¶mAsAlµÀ £Yßhµ´m YÄ»pAW

±ÀµÀnéAd È¢À¶pÁýêv ¶mAlµ¶¢v±ÀµÀÀ

D.È¢.        EdÀà vÇvôSµhµÀv o¶¢hµù±µAsAhµ

£lµïÊm±µÀÛ¢¸±¼ ±ÀµÀÀlµï¶¢À¶¢ÀÀ¶m

«¸¶mÀOµÃv¶¢ÀÔVµÀ ¶ªAhµ¶ªAsAl¼AVµÀ

VµÀAfµÀS¸hµ sû¹±µhб¼övѶm.

¾ª.     q¸vO¸SµñgÀvAlµÀ Ê¢ÀËvǶm sû¹¢¸v

Y¶mîAsÀ xÊmv Y±µÀSµ¶¢v±ÀµÀÀ,

     sûµ±µhµsûµÃsû¹S¸¶m ¶p±µ¶¢Àhµ¶ª¶¬¶mAsÀ

n±µhµ«ÕPïlµ¶¢ÀÔVµÀ Èp±µÀSµ¶¢v±ÀµÀÀ,

     s¶¬ÀOµ¶¨à¶¢ÀÀv¶mÀAfµÀ sû¹Sµï¾¬¶mÀvYÄW

Oµe¼¶mÀv ¶¬Ålµ±ÀµÃvÀ Oµ±µÀSµ¶¢v±ÀµÀÀ

     ¶ª¶ªï¶¢±µèOµËÈ¢À¶m ¶ªlµöýÅ»¨à OµvÀSµASµ

lûµ±µv ¶¢Ål¼è±ÀÇÀÀOºAhµ hµ±µÀSµ¶¢v±ÀµÀÀ

hÉ.S¿.        ±µ¶¢ÀïËÈ¢À¶mdºà ±Àö¢hµù±µAsÀ¶mAlµÀ

lɶ¢ÁfºvvѶm lµ±ÀµÀhÐfµ i±µÀSµ¶¢v±ÀµÀÀ

«¸ö±µæsû¹ËÈ¢OµO¸±µg Y¶mïËÈ¢À¶m

¶m±µÀv ¶¢À¶m¶¢ÀÀv OµÀdºvAsÀ £±µÀSµ¶¢v±ÀµÀÀ.

క్రిస్టమస్ శుభాకాంక్షలు

క్రీస్తు జన్మదినోత్సవ(క్రిస్టమస్) శుభాకాంక్షలు

సీ. శ్రీదుండు, వరదుండు, చిన్మయాకారుండు
               కరుణామయుండౌట నిరుపముండు,
     మరియాంబ గర్భాన మహితతేజముతోడ
               జన్మించి మానవజన్మములకు
     సార్థకత్వము గూర్చ సవ్యమార్గము నేర్పి
               రక్షకుండాయె నా రమ్యగుణుడు,
     తులలేని క్షమతోడ శిలువ మోసినయట్టి
               మహనీయ చరితుడై యిహమునందు
     ఖ్యాతి కెక్కినవాడు, నీతిమార్గము శిష్య
               కోటి కందించిన మేటి యతడు,
     దేవదూతగ వచ్చి దైవమై వెలుగొంది
               విశ్వమందంతట వెలుగునింపె
     పరిశుద్ధమై యొప్పు భగవదర్చనమందు
               బుద్ధినిల్పుండంచు భూజనాళి
     కందించి సందేశ మవనివారలకెల్ల
               పాపాలు నశియించి తాపముడుగు
     బోధనంబులు చేసి పుణ్యకార్యములందు
               నండగా నిల్చినయట్టి ఘనుడు
     శాంతికాముకుడౌచు సంతతానందంబు
                జగతికి బంచిన సాధుశీలి
     నాల్గువార్తలలోన నానావిధంబుగా
               కీర్తింపబడిన సన్మూర్తి యతడు
     శిలువకాహుతియౌచు జీవనంబును వీడి
               మరలజీవంబందు గురువరుండు
తే.గీ.  సుజనవర్యుండు, శుద్ధాత్మ, సుగుణధనుడు,
         త్యాగమయజీవి, శ్రేష్ఠుడౌ యోగి నిజము
         లోకకల్యాణకార్యంబు స్వీకరించు
         ధన్యుడింకేమి సర్వథా మాన్యుడతడు,
తే.గీ.  ఏసుక్రీస్తంచు ప్రజలంద రింపుమీర
         నంజలించెడి ఘనుడాత డమరవరుడు
         భువిని క్రైస్తవధర్మంపు పవనములను
         వీచగాజేసి పుణ్యాత్ముడౌచు వెలిగె.
తే.గీ.  అతని దైవాంశ సంభూతు నహరహమ్ము
         తలచుచుండుచు తద్దత్త ధర్మమార్గ
         మనుసరించెడివారికీ యవనిలోన
         నలఘు సౌభాగ్యసంపత్తి కలుగు గాత.
సీ.   క్రీస్తు జన్మపువేళ వాస్తవంబైనట్టి
                   హర్షమందెడివారలందరకును
       క్రిస్మసాఖ్యంబిద్ది యస్మదీయంబైన
                    పర్వరాజంబంచు బహుళగతుల
       నంబరంబును దాకు సంబరంబులు చేసి
                     మోదమందెడు విశ్వ సోదరులకు
        క్రైస్తవంబును బూని కమనీయచరితులై
                     జగతిలో చరియించు సన్మతులకు
తే.గీ.   క్రీస్తు కనుయాయులౌచు సతీర్తినంది
          సంఘసేవానురక్తులై సర్వగతుల
          ఖ్యాతినందుచు నుండెడి క్రైస్తవులకు
          కావ్యమయమైన సత్ శుభాకాంక్షలిపుడు.

గణిత శాస్త్రవేత్త రామానుజం

గణిత శాస్త్రవేత్త శ్రీనివాస రామానుజం 

జన్మదిన సందర్భంగా

పరమ పావనమై యొప్పు భరతజాతి
శక్తి యుక్తులు విశ్వాన చాటినాడ
వతుల ధీయుక్త! రామానుజార్య వర్య!
గణిత శాస్త్రజ్ఞ! కొనుమిదె ప్రణతి శతము.

గణిత శాస్త్రంబు జీవనక్రమమునందు
ముఖ్యమైయొప్పు నిరతంబు ముదము గూర్చు
దాని నాపోశనంబందు ధన్యజీవి!
గణిత శాస్త్రజ్ఞ! కొనుమిదె ప్రణతి శతము.

గణితమందున నీకృషి గణుతి కెక్క
మాన్య! రామానుజాఖ్యార్య! ధన్యమయ్యె
నిజము భవదీయ జన్మంబు నిఖిల జగతి
గణిత శాస్త్రజ్ఞ! కొనుమిదె ప్రణతి శతము.

భరతమాతకు బిడ్డవౌ భాగ్యమంది
భవ్యయశముల నిలలోన బడసినావు
రమ్యగుణధుర్య! రామానుజార్యవర్య!
గణిత శాస్త్రజ్ఞ! కొనుమిదె ప్రణతి శతము.

సహజపాండిత్యగరిమతో నహరహమ్ము
గణిత శాస్త్రాన శ్రమియించి ఘనతబెంచి
భరతభూమికి కూర్చితి వరయ  ఘనత
గణిత శాస్త్రజ్ఞ! కొనుమిదె ప్రణతి శతము.

“వేఁప పుల్ల”

“వేఁప పుల్ల”

దంతమలినజాల మంతయు పోగొట్టి
హర్ష మందజేసి యనుదినంబు
జనుల గాచుచుండు ఘనరుగ్మతలనుండి
విజ్ఞులార! నిజము వేపపుల్ల.

చేదు నెంచ వలదు సేమంబు తాఁగూర్చు,
క్రిముల జేరనీదు, విమలముగను
దంతపంక్తి నుంచు దారుఢ్యతను బెంచు
విజ్ఞులార! నిజము వేపపుల్ల.

పళ్ళు తోము కొరకు బహువిధ చూర్ణాలు
మరియు లేహ్యతతుల మాటయేల?
తనివిదీర్చగలదు తానొక్కటున్నచో
విజ్ఞులార! నిజము వేపపుల్ల.

ధనము కోరబోదు, మనమున కెంతయో
హాయి నొసగుచుండు, హానికరము
కాదు కొంచెమైన, వాదు లింకేలనో
విజ్ఞులార! నిజము వేపపుల్ల.

పిన్నవారికైన, పెద్దవారలకైన
కోరి పూనువారి కేరికైన
అతుల చేతనత్వ మారోగ్య మందించు
విజ్ఞులార! నిజము వేపపుల్ల.