శ్రీకృష్ణాయ నమః
కం.
శ్రీదేవకీజ! దేవా!
వేదస్తుత! యాదవేశ! విశ్వాధారా!
మోదప్రాపక! భయహర!
నీదయ నామీద సతము నిలుపుము కృష్ణా! 1.
కం.
భవహర! యఘనాశంకర!
స్తవనీయా! వాసుదేవ! శౌరి! మురారీ!
వివిధాసురమదహారీ!
నవనీతప్రియ! కొనుమయ! నతులివె కృష్ణా! 2.
కం.
విజయసఖా! కంసారీ!
నిజజనసద్విజయదాత! నిఖిలత్రాతా!
భజియించెద నిను సతతము
సుజనోద్ధారక! కరుణను చూపుము కృష్ణా! 3.
కం.
భగవద్గీతాచార్యా!
నిగమాగమశాస్త్రవినుతనిస్తులశౌర్యా !
జగదవనామలకార్యా!
తగునార్యా! నతులు గొనుట దండము కృష్ణా! 4.
నందయశోదానందన!
వందారుజనాఖిలాఘవారక! స్వామీ!
యెందున్నను నిను దలచెద
నిందందు ద్వదీయభక్తి నిమ్మయ కృష్ణా! 5.
కం.
లోకంబున నేడంటిన
చీకాకుల బారద్రోల జేరు మటంచున్
నీకొనరించెద వినతులు
చేకొని దయజూపుమయ్య! శీఘ్రమె కృష్ణా! 6.
మందారమూలమందున
సుందర వేణువును దాల్చి శోభిల్లెడి ని
న్నందములవాని గోపీ
బృందంబులనున్నవాని వేడెద కృష్ణా! 7.
వందనములు కౌస్తుభధర!
వందనములు యాదవవర! భాగ్యాపారా!
యందుము ధర్మాకారా!
వందనములు దేవదేవ! వరదా!కృష్ణా! 8.
No comments:
Post a Comment