“పంచాయతీ యెన్నికలు”

పంచాయితీ ఎన్నికలు

ఎన్నికల సమయమియ్యది

వన్నెలు చిన్నెలును జూపి వంచన తోడన్

మున్నెన్నడు వినియుండని

వెన్నెన్నియొ వరము లొసగి యీమారైనన్.


ధనమును మద్యము పంచుచు

ననుపమ మధురోక్తులాడి, యటుగాకున్నన్

ఘనతం జాటుచు నైనను

కొనవలె యధికారమనెడు కోరికతోడన్.


ఓటరు నాసర్వస్వం

బోటరు భగవంతు డిప్పు డుర్వీతలమం

దోటరె జననియు జనకుం

డోటరునే కొల్తుమంచు నుత్సాహమునన్.


సంచులలో నగణితధన

సంచయమును నింపుకొనుచు సంతోషమునన్

పంచిరి యత్యాదరమున

పంచాయతులందు జూడ ప్రజలందరికిన్. 


పంచాయతి ఎన్నికలం

దెంచగ నాయకుల జిత్తు లేమందు నికన్

వంచనలో నొకరొకరిని

మించిరి పదవులనుగోరి మేధావులనన్.