బుర్రకథ

పద్య రచన - 156 

శనివారం 10 నవంబర్ 2012

  

బుర్రకథ

 తందనాన యంచు ధరణిలో జనులకు
నాట పాట గూర్చి యనుపమమగు
రీతి కథను జెప్పి చేతంబు దీపింప
జేయు బుర్రకథలు శ్రీకరముగ


వర్తమానమైన పౌరాణికంబైన
రాజచరితమైన రమ్యఫణితి
వర్ణనంబు చేసి కర్ణపేయంబుగా
పలుకుచుందు రిందు భవ్యముగను.

తెలుగువారి లోని వెలుగుల కీకళ
సాక్ష్య మాంధ్రదేశసంస్కృతులను
హాయిగొల్పునట్టు లద్దమందున జూపు
పుడమి వారె కెందు బుర్రకథలు.