తిక్కన సోమయాజి

08.10.2012 వ తేదీ శంకరాభరణం బ్లాగులో

 పద్యరచన శీర్షికన ఇవ్వబడిన చిత్రానికి వ్రాసిన 

పద్యవ్యాఖ్య
 
తిక్కన సోమయాజి

భారతంబున పదునైదు పర్వములను
మించి జవమున నాంధ్రీకరించి యంత
నుభయకవులకు మిత్రుడై యుర్విలోన
ఖ్యాతి నందిన తిక్కన్న నభినుతింతు.

కవికులంబున ఘనునిగా గణుతి కెక్కి
వచనములు లేని సత్కావ్యరచన చేసి
యనుపమంబైన కీర్తుల నందియుండె
సుకవిపరమేష్ఠి తిక్కన్న సోమయాజి.

మనుమసిద్ధిచేత "మామా"యటంచును
గౌరవింపబడుచు కావ్యకన్య
నమితమైన ప్రేమ నతని కర్పణచేయు
తిక్కనార్యుడెంతొ ధీయుతుండు.

హరిహరనాథుని గనుగొని
స్థిరమతియై "కాలకూటసేవనమా? నీ
వరయ యశోదాస్తన్యమొ
ధరగోరెద" వనియె సవ్యధర్మము నిలుపన్.

భగవద్భేదం బెంతయు
తగదంచును నొక్కి చెప్పి ధర నుభయకవీం
ద్రగణంబులకును సఖ్యము
తగురీతిని చేయబూను ధన్యుని గొలుతున్.